E barco di marina den region di Caribe, fregata Zr.Ms. Van Amstel, a confisca den ultimo siman un biaha mas en total di 1100 kilo di cocaina. A confisca e droga den cooperacion cu unidadnan cu ta cooperando hunto cu otro den regionnan anti-droga.
Zr.Ms. Van Amstel hunto cu su helicopter a traha den e accion aki pa e di tres y di cuater confiscacion hunto cu un helicopter di marina Mericano, un barco di marina Mericano y unidadnan di Wardacosta di Merca. Den prome instancia Van Amstel a haya informacion cu tabatin un boto sospechoso den awanan internacional.
A detecta e boto y sigui di cerca. Ora e boto a yega cerca, a manda e fregata Hulandes riba dje cu a manda su helicopter. A blokia e go fast pa para. Un unidad di marina Mericano a detene e 5 tripulantenan den condicionnan cu olanan di mas cu 2.5 meter di altura. E tripulacion tabata morto cansa di e olanan. Den e detencion a confisca bultonan cu 750 kilo di cocaina.
Dos dia despues a bolbe confisca un lote di 330 kilo di cocaina. Aki nan tambe a haci uzo di e helicopter di marina real. E boto aki si a trata di scapa, pero despues di tironan di advertencia keto bay e boto a para. E ora ey a tira dirigi riba e motornan. A subi na bordo y a confisca e droga y a detene 4 tripulante.
Na tur e barco Hulandes a confisca cuater lote grandi di droga den 10 dia.
