Zr.Ms. Groningen a tuma e tarea como e barco staciona den Region Caribe over for di Zr. Ms. Holand. E barco patruyero a mara na Bahia di Santa Ana na Willemstad den weekend. Segun Wardacosta Region Caribe a informa den un comunicado, e lunanan binidero e barco aki lo ta activo den operacionnan anti-droga.
Banda di esey, tambe e barco lo para cla pa keda desplega suministrando yudansa di emergencia, manera rescata persona cu confronta problema riba lama.
Marina Real Hulandes tin cuatro barco patruyero di e categoria asina-yama ‘Holland-klasse’. E barconan patruyero aki, cu ta subi ocean, ta conoci como OPV, y ta embarcacionnan cu despliegue flexible pa vigilancia di awanan costero. E barco staciona ta traha riba awanan internacional, conhunto cu Wardacosta Mericnao, y cerca costa cu Wardacosta Region Caribe.
E NH90, helicopter di combate maritimo, ta bolbe sali abordo di e barco aki, pa sostene e barco den operacionnan for di laira.
Zr. Ms. Holland a yega su haf di origen, cu ta Den Helder, fin di december. E ultimo lunanan, e barco a intercepta un total di por lo menos 9mil kilo di cocaina den region Caribe.
Cu presencia di e barco staciona den nos region, Defensa ta contribui na paz y seguridad den Region Caribe.
