Un biaha mas Zoetermeer a ser spanta pa un tiroteo cu a tuma luga den e club nocturno, Magnum.
Desconocinan a los bala riba e club den Van der Hagenstraat alrededor di 3’or marduga. No tabatin heridonan. Algun desconoci a huy den un auto. Tin diferente perforacion di bala den e porta di e Club Magnum.
E restaurant riba e Club El Sultan tabata habri na momento di e tiroteo. Polis a start un investigacion. Den december autoridadnan a cera Club Magnum pa 6 luna pa motibo di tiroteonan y explosivo cu a pone dilanti e negoshi. Na februari a bolbe haya un explosivo. Despues di esaki a cera e restaurant tambe riba e club temporalmente. Pa Burgemeester Aptroot di Zoetermeer e caña a yena.
Pa su parti nan cera e negoshi permanente, segun Omroep West. Esaki ta un indicacion cu no mester tin e clubnan aki den centro di Ciudad. Den Zoetrmeer regularmente tin incidentenan di violencia den clubnan nocturno. Club Cobra a keda cera den februari pa un aña despues di dos tiroteo den corto tempo. Club One mester a cera su portanan den juni 2018 definitivamente. Na prome instancia a cera e club un aña despues di un trofeo cu arma automatico. Prome cu esaki tabatin un incidente cu un explosivo fuerte. Burgemeester Aptroot a dicidi di revoca e permit permanente.
