Tin diferente di e santananan rond di Aruba a acerca Departamento di Higiena y como esaki, ta duna e asistencia eynan pa tene supervision, na momento pa keur af locual cu ta e grafnan cu tin, Yvette Geerman, hefe di e Departamento di Higiena a splica.
“Pa awor aki e ta bao di control”, segun Geerman. Hopi di e comisionnan di santana, ta wordo maneha door di un comision y hopi di e comisionnan aki a acerca e departamento pa haci un peticion pa di manera keur e grafnan cu no ta den bon estado, pa asina tira un bista.
Segun Geerman, a pasa diferente santana caba, of e peticion a drenta di e diferente comisionnan di santana. Ta trahando cu diferente di nan y actualmente tin awor aki mes, Playa cu ta un di nan cu a acerca e departamento cu tin algun santana cu no ta den bon condicion cu a keur nan af caba.
Con cu bay bin, ta trata aki di restonan humano y nan tin famia. Segun Geerman, aki ta papiando di restonan humano y tin famianan envolvi, manera ya indica. E rol di parti di cada comision di santana y di locual ta e parokia mes ta haya un periodo di tempo pa anuncia durante di misa y den medionan di comunicacion pa asina famianan por ta na altura cu a cuminsa keur e graf nan pa asina e famianan bin atende cu nan sernan keri, cu e grafnan cu a wordo afgekeurd, y cu no ta den condicion mas pa nan sernan keri keda eyden.
E ser keri ta wordo saca for di e graf y pa duna un periodo di tempo. Esey ta rol di parti di comision di santana y parti di parokia, cu nan mester haci e rol eynan, cu nan mester haci anuncio durante ora di misa y via medio di comunicacion pa asina nan por yega na e famianan, pa esnan cu tin famia, cu nan defunto lo wordo saca for di grafnan cu no ta den bon condicion.
Condicionnan malo
Departamento di higiena tin un rol den loke ta santana. Tin hopi santana den condicionnan sumamente malo. Segun Geerman, como departamento di higiena nan tin un rol den locual cu ta controlamento con e santananan ta, e calidad y e parti di higiena. Actualmente por bisa cu tin hopi di nan a haci un peticion na e departamento pa asina haya un desaprobacion di algun santana cu no ta den nan miho condicion mas.
Pa haya tur famia, ta keda na comision di santana, pasobra ta nan responsabilidad y di parti di parokia mes, ta nan responsabilidad tocante di esey.
Rol di e departamento
Departamento di Higiena su rol ta, na momento cu e grafnan wordo habri, nan como funcionario publico mester t’ey presente. No por sosode si un personal di e departamento aki no t’ey presente. E mester sosode bao di su supervision.
Santananan sin comision
Tin santana en berdad cu no tin comision. Tin esun di gobierno. Eseynan no tin un comision. Y tin santananan manera Zeewijk, Sabana Basora, nan no tin un comision di santana. E ora ey no tin comunicacion cu e parti di grupo di santana eynan. Esunnan cu tin un comision, esta di tur parokia, esey si tin contacto cu nan, Geerman a splica.
