Manera ya ta conoci, Pais ruman Corsou ta pasando den momentonan hopi dificil cu e situacion di Covid-19 cu a sali completamente for di man. Debi na e cantidad di persona cu a keda hospitalisa e ultimo dianan, a pone cu a yega na e cantidad maximo di pashent cu por duna cuido den hospital ‘Curaçao Medical Center’ (CMC). Tin un pashent di Boneiro tambe den hospital na Corsou.
E Pais a manda pidi islanan den Reino yudansa pa facilita aparatonan respiratorio debi cu ta premira cu mas hende lo keda hospitalisa den e dianan venidero y Corsou mes no tin suficiente aparato. Boneiro tin suficiente aparato na e momentonan aki y a coopera cu 10 aparato, Sint Maarten tambe lo coopera cu 10 aparato mientras nan a manda pidi Hulanda 20 aparato. Aruba tambe ta yuda Curaçao y Boneiro cu pashentnan di Covid. Gobierno di Aruba a tuma e decision aki despues di evalua e situacion na Aruba. Un avion ‘ambulance flight’ staciona y ‘standby’ na Boneiro si dado caso mester transporta cualkier pashent pa otro Pais pa ricibi tratamento medico mas avansa, a sali for di Boneiro rumbo pa Corsou, pa busca un baby cu a nace prematuro y transporte pa Colombia. Esaki ta ilustra e laso fuerte como islanan ruman cu tin entre e islanan cu t’ey pa otro den tur momento.
