Hulanda ta obsekia yudansa di emergencia na Haïti. Zr.Ms. Holland ta na caminda pa e pais cu diasabra a keda afecta pa un teremoto pisa. E barco di Marina na Corsou a keda carga cu entre otro alimento, awa y provision di auxilio. Na bordo tin tambe un helicopter NH90, botonan rapido y un ekipo di por lo menos 22 militar extra. Ta trata di Marinier y Soldanan Genio di Ehercito.
E militarnan tin un cantidad di boto di rubber na nan disposicion. Cu esakinan entre otro e personal civil medico internacional ta keda hiba na e partinan mas profundamente afecta di Haïti. E militarnan ta atende mas tanto cu distribushon di alimento, provision di auxilio y material medico. Tambe nan ta analisa y stipula e daño, pa asina tin mas claridad kico ta necesario pa duna na yudansa eynan. Hulanda ta traha hopi estrecho ku Union Europeo, Reino Uni y Estado Unidos. E Ministerio di Relacionnan di Exterior y Union Europeo ta financia e ubicacion di e barco di Marina. Relacionnan di Exterior tin pa esey e presupuesto humanitario. E yudansa di emergencia militar ta bina ademas di e yudansa financiero cu Hulanda ya antes a pone disponibel, na entre otro Cruz Cora y organisacionnan di Nacionnan Uni.
Morto i heridonan
Na Haïti e cantidad di mortonan entretanto a subi te mas cu 2.100. Segun calculacionnan tin alrededor di 10.000 herido. Mas cu 135.000 edificio a sufri daño of a keda destrui. Ta trata di viviendanan, hospitalnan y scolnan. Cuido Medico y awa limpi pa bebe ta scars, loke por hiba na brote na gran escala di colera.
Tripulacion di 75 miembro
Comandante di Forsanan Naval den Region Caribe ta dirigi e esfuerso militar di e yudansa di emergencia. E barco di patruya en principio ta keda desplega pa 2 siman. Na bordo di Zr.Ms. Holland, tin ademas di e ekipo di yudansa, un tripulacion di mas o menos 75 miembro y algun marechosé/Polis Militar. Zr.Ms. Holland desde Mei 2021 ta den Region Caribe, entre otro pa lucha contra droga.
