Bo ta interesa den cultura y su impacto riba nos isla? Bo kier yuda nos duna forma na e historia di Cas di Cultura? Nos ta invita bo pa forma parti di nos ekipo di investigacion!
Nos na Cas di Cultura ta trahando riba un exhibicion permanente cu ta conta nos historia. Historia no ta simplemente un coleccion di hechonan objetivo; e ta un storia forma dor di esnan cu ta cont’e. P’esey bo participacion den e investigacion aki ta importante pa por comparti e storia aki for di e perspectiva di nos comunidad.
Durante tres sesion di investigacion na Cas di Cultura, nos lo traha hunto riba e pregunta “Kico Cas di Cultura ta nifica pa e desaroyo di cultura den nos comunidad?” Hunto nos lo sambuya den archivonan di Cas di Cultura, purba reconstrui liñanan di tempo y duna forma na un storia cu ta refleha e relacion di nos comunidad cu nos y cu cultura. Tin un pago simbolico pa e participacion.
E sesionnan lo tuma luga riba e siguiente fechanan na Cas di Cultura:
- Diasabra, 23 november 2024 | 10 am -12 pm
- Diasabra, 30 november 2024 | 10 am -12 pm
- Diasabra, 7 december 2024 | 10 am -12 pm
Kico nos ta buscando?
- Edad minimo di 15 aña.
- Participantenan cu ta curioso y kier contribui na un momento historico di Cas di Cultura.
- Participantenan cu ta activo y proactivo.
- Participante di tur profesion y diferente relacion cu cultura.
- Participantenan responsabel y comprometi cu por ta presente den tur e sesionnan.
E equipo di investigacion lo wordo guia door di Ana Maria Hernandez (gestor cultural y fundado di Plataforma Aruba).
Si bo kier participa, manda nos un WhatsApp na +297 560 49 58 y conta nos pakico bo lo kier forma parti di nos ekipo di investigacion. Bo tin te dia 21 di october 2024 pa inscribi. Nos lo anuncia e 12 participantenan selecciona dia 26 di october 2024.
