YouTube a restaura centenares di canal relaciona cu criptomoneda, despues di admiti cu a elimina nan ‘den eror’.
Un ola di YouTubernan a ricibi notificacion cu nan video tabata viola e termino di servicio di e plataforma e siman aki.
E movida a parce di enfoca riba canalnan y transmisornan chikito enfoca riba Bitcoin y contenido di criptomoneda.
Awo e plataforma di comparti video di Google a pidi disculpa pa e eror. Pero algun crypto-blogger a keha cu no a restaura nan video despues di varios dia.
“Esaki ta un forma grandi pa lanta fo’i soño, y mi ta investigando alternativanan descentralisa”, segun Chris Dunn, kende tin mas di 200mil suscrito riba YouTube.
Creadonan di video inicialmente a subi Twitter pa comparti nan frustracion despues cu cantidad di canal bon estableci a keha cu YouTube tabata ignorando nan reclamo. Varios crypto-blogger a sugeri cu nan tabatin intencion di boycott e plataforma por completo.
YouTube a bisa den un declaracion cu a ‘tuma e decision fout’ y a confirma cu lo restaura cualkier contenido cu a elimina pa eror. A bisa cu no tabatin cambio na su politicanan, insistiendo cu no lo tin penalisacion na ningun canal afecta pa e incidente.
YouTube tambe a priminti di duna hende un forma mas facil pa maneha disputa di derecho di autor relaciona cu nan contenido. Hopi creador di video a keha cu sistemanan actual di YouTube ta permiti e asina-yama ‘copyright trolls’ haci reclamonan falso riba nan video, mientras su hermentnan di deteccion automatisa hopi biaha no ta compronde ora a uza e material legalmente.
Creadornan di video cu ta ricibi reclamo di derecho di autor contra escenanan den nan video awo lo tin opcion pa automaticamente ‘corta’ e segmento den disputa for di nan clip.
