(ElNuevoDia) – A pesar di e cambio di trayectoria entre diamars anochi y diaranson marduga cu a aleha e wowo for di Puerto Rico, tormenta tropical Ernesto a laga 25 centimeter di yobida den sectornan na e mita di e pais, locual, agregando bientonan cu a supera 60 miya pa ora, a provoca cantidadnan ainda indetermina di derumbenan di tera, camindanan cera y desbordamento di riunan, como tambe centenares di miles di consumidornan sin servicio di electricidad.

Durante su aparicion dilanti medionan di comunicacion despues di 5or di atardi diaranson, e gobernador Pedro Pierluisi a anuncia cu diahuebs lo convoca di manera presencial solamente e empleadonan publico esencial y vincula na e respuesta di emergencia, como tambe e personal di gerencia y trahadonan di conservacion di plantanan fisico na e agencianan.

Maestronan y personal no docente di e scolnan publico, mientras tanto, lo cuminsa reporta for di diabierna, cu bista riba dialuna como e prome dia di scol.

Entre e servicionan cu si ta disponibel for di diahuebs, tin e busnan di e Autoridad Metropolitano di Autobusnan y e Trein Urbano, cu a suspende nan operacionnan desde diamars anochi, ora cu e aviso di tormenta tropical a drenta na vigor pa Puerto Rico.

Te cu diaranson atardi, ainda tabatin 221 persona refugia den 48 shelter habilita pa e gobierno. Pierluisi, mientras tanto, e precisa cu e pagonan di e Programa di Asistencia Nutricional pa e beneficiarionan cu mester a ricibi esaki diabierna, a wordo adelanta cu un dia.

E secretario interino di e Departamento di Asuntonan di Cosumidor, Francisco Gonzalez de la Matta, di su banda a confirma cu e prohibicion di aumento di prijsnan ta keda vigente, aunke su necesidad lo wordo reevalua den e proximo dianan.

Durante e mesun rueda di prensa, e coordinador di Avisonan di Servicio Nacional di Meteorologia na San Juan, Ernesto Morales, a subraya cu, for di diahuebs, e condicionnan di tormenta di e ultimo dia lo wordo substitui pa scenarionan di calor extremo, situacion cu lo por empeora pa motibo di elementonan di riesgo manera e falta di servicio di electricidad y awa.

Den oranan di mainta di diaranson, e presidente di Merca, Joe Biden, a emiti un declaracion di emergencia cu a autorisa e Agencia Federal pa e Maneho di Emergencia (FEMA) pa cubri gastonan determina pa proteha bida y propiedad, si e gobierno central of municipionan tin falta di e recursonan necesario.

E decreto ta diferente na un declaracion di zona di desaster mayor, cu lo por wordo emiti den e proximo dianan, un bes cu e gobernador Pedro Pierluisi solicita esaki y nan provee un calculacion di dañonan preliminar, y lo permiti activa e programa di Asistencia Publico di FEMA, incluyendo e categorianan corespondiente na recogemento di bloki. Matanan y sushi, y e desaroyo di proyectonan di mehoracion permanente.

Cu e declaracion presidencial di desaster mayor, na su turno, lo duna paso na e programanan di Asistencia Individual den funcion di e dañonan sufri den e hogarnan.