‘’Mi cabes ta hasi dolor’’ , Aaren O’Connor a bisa su tata mientras
e tabata papiando riba telefon cune pafo di un apartamento na Chicago.
Aaren O’Connor, 25, tabata den auto pafo di su apartamento na Chicago,Illinois, ora cu e la haya un bala den cabes diabierna pasa segun reporte di media Americano.
‘’Mi no a realisa te despues cu esaki tabata e ultimo biaha cu mi lo papia cu mi yiu’’ , e tata David O’ Conner a conta CBS Chicago.
Mr.O’Connor a haya sa kico a pasa despues cu e la tuma contacto cu e pareha di su yiu. Un bala a los cerca di unda su auto tabata para, anto e bala a drenta den su auto y dal e den cabes.
Ora cu nan a haya Aaren O’Connor den su auto tabata un tiki laat,
e la perde hopi sanger caba y tabata inconsciente. E la wordo hiba
hospital y a muri riba Diadumingo.
CBS Chicago ta bisa cu e la muda bai Chicago aña pasa pa un trabao nobo y pa e ta mas cerca di su pareha.
Mr.O’Connor a conta polis cu e tabata tin miedo algo malo lo pasa cu su yiu despues cu e la bai for di San Diego,California.
Despues di tur esaki, e amigonan di O’Connor a habri un ‘GoFundMe Page’. Cu e donacion di placa aki nan lo juda otro hobennan cu problema den Chicago.
Source: Sky News
