(TMZ) – Kim Kardashian su ‘sex tape’ ta bolbiendo back na e programa nobo riba Hulu “The Kardashians”, solamente cu e biaha aki su yiunan ta involucra y e ta causando hopi drama.
Tin un escena unda cu Kim ta drenta den panico pa motibo cu su yiu homber di 6 aña , Saint, a puntra su persona tocante un aviso cu el a mira unda cu a bisa cu tin video antes no mira di Kim durante su dianan cu Ray J.
Saint ta puntra su mama tocante esaki, cual ta manda Kim y henter su ekipo den un abismo unda cu nan ta cuminsa yama tur abogado, demandando pa nan controla esaki y tuma cualkier accion legal necesario contra cualkier persona cu lo por publica material cu ta of no ta existi.
Kim ta bisa cu e ta “99.9 porciento sigur” cu no tin ningun otro tipo di material manera e “sex tape”, sinembargo, claramente e duda tey ainda y e ta preocupa cu e posibilidad cu esaki lo por ser publica.
Esaki ta e mesun manera cu e programa riba e canal E! a cuminsa, tempo cu e serie di Keeping Up With The Kardashians a cuminsa poco tempo despues cu e ‘sex tape’ di Kim a bira viral. Hopi fanatico ta bisa cu e escena aki ta un “deja vu” cu e unico diferencia den e hecho cu awo ta su yiunan den e situacion.
