(TMZ) – Actor di “Good Times” y “Merca su tata” John Amos ta luchando pa su bida na hospital despues cu el a cay victima na abuso di hende grandi y posiblemente crimennan financiero segun su yiu.
Shannon Amos a haci e anuncio impactante aki bisando cu luna pasa el a ricibi un yamada agita di su tata ken a informa su persona cu e ta interna na hospital di Mephis. Shannon a bisa cu e por a contacta John via facetime prome cu e dolor a bira pio.
Shannon ta bisa cu den e ultimo simannan, e famia di Amos a haya sa cu e actor di 83 aña “a cay victima na abuso di hende grandi y explotacion financiero.” E no a duna mas detaye tocante ken ta involucra pero si a nota cu a “viola su cas y a bay cu tur cos di balor.” El a bisa tambe cu e famia ta trahando cu cuerpo policial y Colorado Bureau of Investigations pa por yega na husticia.
Den un intnto pa yuda su tata recupera y yega na e personanan responsabel, el a cuminsa un GoFundMe cu e meta di yega na 500,000 dollar. Shannon ta bisa cu e placa lo ser usa pa e cuido di John, gastonan legal y cuido despues di sali for di hospital.
Mientras varios ta bisa cu John su rol mas grandi ta den “Good Times,” tambe e tabatin rol den “Roots” y “The West Wing”. Te ainda su yiu no a duna mas comentario ni tampoco informacion adicional tocante e incidente, e abuso cu ta alega ni tampoco e situacion di salud di e actor ken segun su yiu Shannon aparentemente ta hospitalisa pa dolornan fuerte.
