Dokter di Yemen a bisa cu nan a saca decena di curpa di un centro di detencion dirigi pa rebeldenan Houthi. Un dia prome tabatin atake aereo di e coalicion lidera pa Saudi Arabia, matando mas di 100 persona y heridando decenas.
Ta considera e atake cu mas morto den e aรฑa aki, cu e guera di duracion di 4 aรฑa cu ta cobra bida di miles di persona. E problema ta pone hende pasa hamber y ta genera e pio crisis humanitario di mundo.
Red Crescent di Yemen a bisa cu a saca 88 curpa di e ruinanan di e centro di detencion den provincia Dhamar. Bashir al-Dawrani, vocero pa e Red Crescent Yemeni na Dhamar, a bisa AP cu a recupera 53 curpa diadomingo y otro 35 ayera prome cu a pausa e buskeda pa e anochi.
Tabatin 170 detenido den e centro. Oficial di siguridad a bisa cu e detenidonan tabata forsanan leal na e gobierno internacionalmente reconoci di Yemen, como tambe civilnan aresta pa critica e Houthinan den aรฑanan recien.
Ex detenido, Mansour al-Zelai a bisa AP cu Houthinan tabata repara arma den e centro di detencion. Varios otro detenido a bisa cu nan a yega di sufri atake aereo antes.
Gruponan di derecho tambe anteriormente a documenta cu e Houthinan ta uza detenidonan civil como escudo humano door di pone nan den centro di detencion banda di barak militar, bou menasa constante di atake aereo.
E grupo a bisa cu algun detenido ta muri pa tortura na e centro y a pidi un investigacion internacional riba atake y abuso contra detenido.
Oficina di Halto Comisario di Nacionnan Uni pa Derecho Humano na Yemen a confirma cu 52 persona deteni tabata esunnan cu a fayece.
