Sinterklaas definitivamente ta algo di pasado na Corsou. No lo tin evento di Sinterklaas riba e isla e aña aki. Esaki ya tabata anuncia pa e fundacion cu ta organisa e entrada, pero awo gobierno tambe a stop e subsidio pa e fundacion en cuestion.
Corsou ta stop e subsidio pasobra gobierno no kier contribui na eventonan ‘cu ta invoca sentimentonan di opresion y racismo’. Segun un comunicado di prensa di gobierno, e celebracion di Sinterklaas, den su forma actual, ta un celebracion ‘cu aspectonan discriminatorio pa hende di color scur y di descendencia Africano’.
Algun aña atras a wordo anuncia cu gobierno di Corsou lo stop e subsidio, pero e fiesta awo definitivamente a termina.
No ta un sorpresa cu no lo tin un tour di Sinterklaas na Willemstad mas. E ‘Fundacion pa Muchanan’, cu tradicionalmente tabata organisa e entrada un siman prome cu yegada di Sinterklaas na Hulanda, anteriormente a anuncia cu e fiesta no lo tuma luga e aña aki.
Pa varios aña tin critica fuerte riba entrada di Sinterklaas na e isla. Esaki regularmente a conduci na protesta contra Zwarte Piet. Aña pasa, e demostracionnan un biaha mas tabata impulsa pa e grupo di accion Hulandes, Kick Out Zwarte Piet.
E morto di George Floyd anteriormente e aña aki a duna e organisacion e decision final: e fiesta no lo tuma luga mas. E medidanan di coronavirus y e falta di sponsor tambe a hunga un rol den e decision.
Gobierno di Corsou awo ta trahando riba un evento nacional nobo pa mucha. Esaki lo ser organisa alrededor di e Dia Internacional di Mucha, riba dia 20 di november.
Ainda no ta conoci kico e evento lo ta exactamente. Pero gobierno ta hopi cla tocante un cos: tur mucha mester por participa den e fiesta nobo, sin importa nan rasa, religion of origen.
