Dilanti di Caribbean Palm Village diamars mainta a sucede un accidente ora cu un yaris a lora na su man robes y dal riba un toyota rav4 hybrid di Polis bayendo zuid. Esaki ta na momento cu Polisnan tabata den practica di e tsunami warning pa full Aruba unda Polis tambe a participa na esaki riba caya. E polis cu luz cendi y posibel sirena tabata bayendo zuid, posibelmente e chauffeur di e yaris no a paga bon tino y lora dal riba e auto di Polis. Hefe di Noord tambe a presenta na e sitio pa ta na altura di e sucedido. Ambulance a presenta pa asina atende cu e dama levemente herida cu tabata den e yaris.
