(CuraçaoChronicle) – Sin baño, sin vloer y sin otro amenidadnan basico; Mas di 3,300 residencia na Corsou ta den asina un mal condicion cu biba den nan ta ser considera iresponsabel. Sinembargo, e casnan aki no ta bashi y tin hende ta biba den nan.
Esaki ta loke e reportahe ‘Curaçao Still an Island of Extreme Living Conditions’ a revela, delineando un realidad preocupante. E reportahe, compila pa un grupo di ciudadano preocupa ta haci yamado pa un proyecto di renobacion di escala grandi pa mehora e residencianan aki.
Sinembargo, e yamado aki a cay den horeanan sordo te cu awo. Aña pasa, e reportahe a ser entrega na Reda Sosial pero no a ricibi un contesta. Despues di esaki, e reportahe a ser otorga na e gobiernador ken a priminti di comunica cu un representante di gobierno pero e comite no a tende nada te dia di awe. E comite na su turno a acerca e Ombudsman y e representacion Hulandes tambe a ricibi un copia ken a manda esaki na Secretario di Estado Alexandra van Huffelen.
Van Huffelen a haya e reportahe hopi bon y a conseha e comite pa acerca e gobierno pa inclui esaki den e Landspakket. Basa riba esaki, e ciudadanonan concerni a otorga e reportahe na parlamento y gobierno sinembargo un biaha mas no a tuma accion pa cu esaki. Segun e personanan involucra, e situacion na Corsou tin mester atencion inmediatamente. E combinacion di casnan cu ta birando bieu, un cantidad den aumento cu ta den mal condicion y e impacto riba e calidad di bida di e residentenan ta haci esaki un topico di importancia nacional. E reportahe no solamente ta expone e problemanan sino tambe ta provee un caminda pa mehora, wardando pa mas accion for di e partidonan involucra.
