Diaranson cu a pasa modelo di Costa Rica, Veronica Ariza Anchia a ser condena na 8 aña di prizon, ora cu tribunal di huicio di municipio El Limon na Costa Rica a verifica cu yamada riba telefon a vincula e modelo cu transporte di 163 kilo di marihuana Jamaiquino.
Hues a sentencia tambe cu mes tanto aña di prizon y pa mes delito e casa di e modelo ey, Gerardo Montoya, hunto cu e ruman muhe di modelo Kathy Ariza y tres amigo identifica como Johan Corrales, Ronny Venegas y Mauricio Sáenz.
Tur persona cu a resulta implica a ser deteni dia 27 di november di 2015, ora cu nan tabata biaha den dos auto riba e trayecto di Limon te San Jose, ruta 32 Costa Rica. Autoridadnan a haya cargamento di droga den un di autonan aki.
E hues di e caso a indica cu e prueba mas fuerte, cu ta involucra e suheto cu a ricibi e condena, ta e delito di yamada riba telefon cu nan a haci entre nan. Asina tambe e hues a bisa cu e tribunal a cera investigacion cu e pensamento cu e grupo di persona a dicidi transporta e cargamento di droga den un auto so, y cu e otro auto tabata core cerca como un custodia.
Verónica Ariza, tabata den silencio y cu su mirada riba hues ora cu autoridad a lesa su condena. El a trece como defensa cu e tabata acompañando su casa so, y cu durante recorido a yega su ruman muhe y su amigo Corrales. Den e proceso di huicio Venegas y Saenz a bisa cu nan ta unico responsabel di e delito aki.
Ariza tin mas di ocho aña den mundo di modelahe. E tabata traha den evento cu promocion di producto. Normalmente por haya potret di Ariza den actividad relaciona cu farandula di Costa Rica.
E tribunal a informa cu e grupo di persona cu a ser condena tin cu cumpli cu 6 luna di prizon preventivo, te momento cu nan sentencia di 8 aña ta adkiri firmesa.
