(CuraçaoChronicle) – For di 2024, Xploration Coastline Curaçao ta bay produci 1 miyon liter di awa pa dia for di awa di lama pa sector agricultural di Corsou usando energia limpi. Ademas, por usa e plataforma durante desasternan humanitario den Reino y den Caribe.
Dia 8 di december, e purificador mobil di awa a firma un acuerdo cu Aqualectra y Universidad di Corsou pa desaroyo di e infrastructura local necesario pa conecta e instalacion flotante.
Xploration Coastline Curaçao ta produci tanto awa potable como pa agricultura door di purifica awa di lama, y ta usa solamente energia limpi. Tur produccion di awa necesario y instalacionnan di tratamento di awa, incluyendo generadornan di energia, ta riba un plataforma flotante.
Esaki ta haci posible pa lans’e rapidamente pa ayudo humanitario den caso di desasternan dentro di Reino. Esnan afecta na e sitio pues ta sigura di e prome necesidad pa awa (potable).
Pa mayor parti di e aña, e instalacion ta mara na Corsou pa contribui na seguridad alimentario. E 1 miyon liter di awa pa dia e ora ta bay keda disponible pa agricultornan.
E uso dual ta sigura cu gastonan di inversion y mantencion ta comparti, y awa pa agricultura ta bira hopi pagable. Xploration Coastline Curaçao pues ta cumpli cu e pre-condicion crucial pa duna empresaria agricultural Curasoleño un miho chens pa ta competitivo.
