Xi ta priminti cu e desaroyo Chines no lo daña mercado

E presidente Xi Jinping a intenta di manda temor cu e ultimo strategia di desaroyo di e gobernante di e partido comunista lo por obstaculisa e comercio, primintiendo riba diaranson cu China lo habri mas y lo converti den e “mercado mundial”.

E planesnan cu ta exigi e industria Chines pa busca autosuficiencia den tecnologia y pa centra mas den mercadonan y proveedonan nacional “lo beneficia e hende di tur pais” Xi a bisa den un discurso pronuncia door di un enlace di video den un feria di importacion na Shangai.

E strategia, denomina “circulacion dual” ta parti di un plan economico anuncia siman pasa pa e proximo 5 añanan. Ta exigi cu e empresanan concentra mas den e consumidonan nacional y fuentenan tecnologico of circulacion interno, den luga di exportacionnan y proveedonan stranhero of circulacion externo.

E partido a pidi siman pasa pa China converti den un potencia tecnologico autosuficiente den un momento cu ta wordo disputa cu Washington ta cortando e acceso na componentenan Mericano pa nan fabricantenan incipante di telefon inteligente y otro productonan tecnologico.

China “lo adheri na e creencia di e apertura” e presidente a bisa. El a bisa cu e focus di “circulacion dual” lo haci di China e mercado mundial.

Xi a papia prome cu e inauguracion riba diahuebs di e tercer exposicion internacional di importacionnan di China, un esfuerso pa desvia e kehanan tocante e restriccionnan di acceso na stranhero na e industrianan Chines emergente, destacando e creciente status di e pais manera e mercado di productonan importa. China tabata e prome gran economia den cuminsa e lucha pa recupera di e pandemia di coronavirus. E bentanan minoristanan a supera e nivelnan anterior di e virus den e trimester cu a finalisa na september.

Beijing a anuncia medidanan di apertura di e mercado durante e ultimo tres añanan incluyendo e fin di limitenan na e propiedad stranhero den e fabricacion di automobil. Pero su socionan comercial ta keha cu Beijing ta limita e acceso na finanzas y otro industrianan, dos decada despues cu e la uni na e organisacion mundial di comercio liber.