(AP) — Segundo Base di Padres, Xander Bogaerts a sufri inflamacion leve na su schouder y a bandona e wega den e di tres inning contra e Braves, mientras e double di Manny Machado a duna e Padres e victoria.
Bogaerts a resulta lesiona mientras tabata dive pa un single bases-loaded di Acuña. Manager Mike Schildt a bisa cu resultado di test di imagen tabata negativo y tin mas test programa. Tyler Wade a reemplasa Bogaerts.
Mientras tanto, e double di dos careda di Manny Machado den di ocho inning a duna San Diego e bentaha, y e Padres a rally for di un deficit di cinco careda pa derota e Atlanta Braves 6-5 ayera dialuna den e prome wega di un split doubleheader.
E Braves a desperdicia un bentaha 5-0, desperdiciando un start fuerte di Reynaldo Lopez, den e di cuatro perdida consecutivo, nan racha mas largo di perdida den e temporada. E double di Machado riba Joe Jimenez (1-1) a impulsa Jurickson Profar y Jake Cronenworth pa completa un inning di cuatro careda. Cronenworth a single den dos careda den e inning.
“Ta henter e aña, nos nunca a bandona e pelea,” Machado a bisa. “E team aki, te cu haci e ultimo out, nos ta bay sigui lucha.”
Atlanta tabata liderando 5-2 prome cu San Diego a hinca cuatro careda na e di ocho inning. E Padres a perde 117 wega consecutivo ora tabata cay tres careda atras durante siete inning, desde nan comeback mas recien dia 29 di mei 2021 na Houston. “Mi Dios, mi ta stima e team aki, mi ta djis stima e team aki,” Shildt a bisa.
Marcell Ozuna y Matt Olson a hit homer consecutivo den di tres inning pa Atlanta, cu tabatin 12 hit despues di a keda na dos careda y 11 hit combina mientras a perde e prome dos wega di e serie.
Ronald Acuña Jr. tabatin tres di e nuebe hit di e Braves den cuatro inning contra Dylan Cease, kende anteriormente no a concede mas cu seis hit den un wega e temporada aki.
Olson y Michael Harris II tabatin singles anotando careda den e prome inning.
Lopez a concede dos careda den 6 1/3 inning den e enfrentamento contra Cease, su ex-compañero di Chicago White Sox.
