(AP) – Den e bataya grandi entre mundo su homber mas rico y un miembro di Corte Supremo di Brazil, Elon Musk a blink.

Musk su website y plataforma di red social a cumpli cu Alexandre de Moraes su ordo y a pidi pa reestablece su servicio na e pais segun fuentenan a informa diahuebs.

X a cumpli cu ordo di blokia cierto cuentanan for di e plataforma, nombra un representante legl na Brazil y paga boetnan cu a impone a causa di no cumpli cu corte su ordonan, segun su abogadonan a bisa den un peticion entrega diahuebs segun e fuentenan, kendenan ta familiar cu e documento.

E fuentenan a papia bao condicion di permanece anonimo pa motibo cu nan no tabatin autorisacion pa papia publicamente tocante esaki.

Riba diasabra, De Moraes a duna ordo pa e plataforma entrega documentacion adicional tocante su representante legal pa corte evalua, cual e fuentenan a informa cu a ser haci caba.

X a keda blokia dia 30 di augustus den e pais sumamente online di 213 miyon persona, unda e tabata un di X su mercado mas grandi cu mas di 20 miyon usuario. De Moraes a duna ordo pa clausura e website despues di lucha cu Musk pa varios luna a causa di libertad di epresion, cuentanan ultra derechista y mal informacion. E compania a bisa cu na e momento, De Moraes su esfuerso pa blokia cierto cuentanan tabata decisionnan ilegal di censura “oposicion politico” y cu e no lo cumpli cu esaki. Musk a yama e hues un enemigo di libertad di expresion y un criminal. Sinembargo De Moraes su decision a keda sosteni pa su coleganan, incluyendo su prohibicion nacional di X.

Den un cambio, X su representante nobo ta e persona cu tabatin e posicion prome cu X a cera su oficina na Brazil, segun e compania su documento publico na Sao Paulo su registro comercial. Esaki a sosode despues cu De Moraes a menasa di detene e persona, Rachel de Oliveira Villa Nova Conceicao, si X no cumpli cu e ordo di blokia e cuentanan.

Den un esfuerso di evita cu e lo carga e culpa di varios violacion di leynan Brasilero, y riesga un detencion, un clausula a ser skirbi den e acuerdo di representacion cu cualkier accion di parti di X cu resulta den obligacionnan pa su persona ta rekeri instruccion por escrito di e compania, segun e compania su documento na e registro.

Associad Press su emailnan y yamadanan na su oficina no a ser contesta. Corte Supremo su oficina di prensa no a confirma e recibo di X su documentonan y X no a contesta inmeditamente na AP.