(AP) – E Word Health Organization a reporta riba diaranson cu e mortonan di coronavirus a aumenta cu 10% den e siman pasa, haciendo esaki e unico region mundialmente unda cu ambos casonan di COVID-19 y hospitalisacionnan ta keda aumenta. E ta e di 6 siman consecutivo cu e virus a crece den e continente.
Den u reportahe semanal tocante e pandemia, e agencia di salud di Nacionnan Uni a bisa cu tin mas o menos 3.1 miyon caso nobo globalmente, y un aumento di mas o menos 1% di e siman anterior. Casi 2 tercer parti di e infeccionnan di coronavirus, 1.9 miyon tabata na Europa, unda casonan a subi cu 7%.
E paisnan cu e cantidad mas halto di casonan nobo mundialmente ta Merca, Rusia, Britania, Turkia y Alemania. E cantidad di mortonan di COVID-19 pa siman a baha cu un cantidad di 4% den mundo, y a baha den tur region menos Europa.
Di e 61 pais World Health Organization ta inclui den e region di Europa, cual ta inclui Rusia y ta extende na Asia Central, 42% a reporta un aumento den casonan di por lo menos 10% den e siman pasa.
Den Americas, World Health Organization a bisa cu e casonan nobo pa siman a baha cu un 5% y e mortonan a baha cu 14%, cu e cantidad mas halto reporta pa Merca.
Riba diaranson, compania di farmaceutico Pfizer a pidi e Food and Drug Administracion di Merca pa autorisa e dosisnan extra pa tur adulto den e pais. World Health ORganization a pidi varios pais pa no duna mas dosis extra te cu por lo menos fin di aña, pero mas o menos 60 pais ta activamente dunando e dosisnan extra aki.
Den Asia y Africa, mortonan di COVID-19 a baha cu por lo menos un tercer parti, aunke tin un falta di vacuna den e regionnan aki.
World Health Organiztion su director di Europa, Dr. Hans Kluge, a bisa siman pasa cu Europa ta un biaha mas “bek den e epicentro di e pandemia.” El a adverti cu si mas accion no ser tuma pa stop e COVID-19, e region lo por mira casi 500,000 morto mas pa februari.
