Poniendo un record nobo di donacion pa nos comunidad
E di 6 edicion di Long Table Aruba, organisa pa Wind Creek Aruba, ta back pa un solo anochi, e unico mesa di cena di mas largo completamente blanco cu un balor di $50,000 pa Aruba.
E evento di e aña aki lo tuma lugar diadomingo, 9 di Juni y lo conta cu un setup di un mesa largo di 1000 pia cu lo wordo prepara pa 1000 invitado bisti na blanco riba L.G Smith’s Boulevard dilanti Renaissance Wind Creek Aruba Resort. Tickets di entrada lo ta $50, lo por reserva esaki online diabierna 10 di mei, pa exactamente 10or di mainta!
Sigura bo ticket bishitando www.renarubaevents.com cuminsando for di 10or di mainta diabierna, 10 di Mei. Por fabor tene cuenta cu cada persona por cumpra un minimo di 2 ticket, cu un limite maximo di 10 ticket pa persona.
Desde aña 2017, Long Table Aruba a recauda mas di $285,000 pa organisacionnan local y ta un evento sumamente importante pa Wind Creek na Aruba. “Nos ta compronde e importancia di conecta cu e comunidad y nos ta desea di sostene organisacionnan local na e manera cu lo realmente ta beneficia e comunidadnan di Aruba,” asina Sr. Paul Gielen, Gerente General di Wind Creek Aruba a declara. E aña aki Wind Creek Aruba a cambia e proceso y a selecta 10 organisacion den comunidad activo y a invita esaki nan pa participa. Cada un di e organisacion aki tin e tarea di crea un video impresionante, cu e oportunidad pa gana un sosten financiero. E seleccion di e aña aki ta wordo enfatisa door di e yudansa na nos grandi y sosten pa nos hobennan cu ta enfrenta circunstancianan desafiante. Cu e enfoke pa renoba e bienestar den nos comunidad, Wind Creek Aruba ta compromete su mes pa haci un cambio y impacto den bida di esnan cu ta den necesidad.
Manera aña pasa, comunidad di Aruba lo determina cual di e 10 organisacionnan lo beneficia di e premio di e aña aki via un proceso di votacion online cu lo cuminsa dia 20 di mei venidero. Mas informacion di esaki lo wordo divulga pronto. Haci un impacto den comunidad ta un principio di operacion di Wind Creek Aruba. Sr Gielen ta continua “Nos ta sumamente orguyoso pa no solamente ofrece un experencia excepcional pero alabes por conecta cu e pioneronan pa por mira con y kico mas lo por haci pa por sostene nan metanan. Nos ta sinti nos mes honra pa por ofrece e pueblo di Aruba un anochi inolvidabel unda nos ta duna back, y celebra hunto cu nos comunidad di Aruba.
