Wind Creek Aruba ta invita pueblo di Aruba pa vota pa nan organisacion local preferi

Un Anochi, Un Mesa, Bo voto ta conta pa yuda organisacionnan local gana.

Wind Creek Aruba ta invita pueblo di Aruba pa vota pa e organisacion local cu a wordo selecciona e aña aki pa participa den e di 6 edicion di Long Table Aruba. “Nos ta compronde e importancia di conecta cu e comunidad y nos ta desea di sostene organisacionnnan local na e manera cu lo realmente ta beneficia e comunidadnan di Aruba,” asina Sr. Paul Gielen, Gerente General di Wind Creek Aruba a declara.

E proceso di votacion aki ta un parti crucial di e mision di Long Table Aruba y nos ta conta cu Aruba su sosten y apoyo pa nos organisacionnan local.

E aña aki Wind Creek Aruba a cambia e proceso y a selecta 10 organisacion activo den comunidad y a invita esaki nan pa participa. Cada un di e organisacion aki tabatin e tarea di crea un video impresionante, cu e oportunidad pa gana un sosten financiero. E seleccion di e aña aki ta enfatisa riba e yudansa na nos grandinan y sosten pa nos hobennan cu ta enfrenta circunstancianan desafiante. Cu e enfoke pa renoba e bienestar den nos comunidad, Wind Creek Aruba ta compromete su mes pa haci un cambio y impacto den bida di esnan cu ta den necesidad.

Cera conoci cu nan meta y mision di cada un di e participantenan aki y vota pa bo organisacion preferi prome di 31 di Mei. Esaki ta bo chens pa haci un impacto significante y sostene e organisacion local preferi.

Con pa vota:

Bishita nos page https://windcreek.com/aruba/community-support/long-table/video-contest. Disfruta di e 10 videonan di e organisacion nan cu a wordo selecciona e aña aki.

Vota pa bo organisacion preferi prome cu dia 31 di Mei, 2024.

E evento di e aña aki, lo tuma lugar diadomingo 9 di Juni, cu un mesa largo di 1,000 pia cu lo wordo prepara pa 1,000 invitado, dilanti di Renaissance Wind Creek Aruba Resort. Desde anja 2017, Long Table Aruba a recauda mas cu $285,000 pa organisacionnan local y ta un evento sumamente importante pa Wind Creek na Aruba.

Haci un impacto den comunidad ta un principio di operacion di Wind Creek Aruba. Sr. Gielen ta continua “Nos ta sumamente orguyoso pa no solamente ofrece un experencia excepcional pero alabes por conecta cu e pioneronan pa por mira con y kico mas lo por haci pa por sostene nan metanan. Nos ta sinti nos mes honra pa por ofrece e pueblo di Aruba un anochi inolvidabel unda nos ta duna bek, y celebra hunto cu nos comunidad di Aruba.