E homber sospecha di e atake contra oficina di impuesto dia 22 di augustus ultimo, tambe ta ser acusa di a laba 11 miyon florin y horta awa, electricidad na su cas. Esaki a bira evidente durante di e prome sesion di e tratamento di e caso. E daño na e oficina di impuesto ta ser calcula na 45 miyon florin.
Cinco sospechoso.
E dosnan cu ta actualmente den huicio ta Sergo Francillon, Haitiano di 46 aña y Rudy Javier Medina, naci na Venezuela di 31 aña di edad. E Venezolano ta deteni na Boneiro pa su siguridad. Ministerio Publico ainda ta buscando otro tres sospechoso, cu ta inclui e ruman di Francillon, cu ta na Haiti. Tambe ta buscando un amigo di Medina, pero el a logra pa scapa bay Venezuela. E di tres sospechoso tambe ta Venezolano y a ser aresta den su mesun pais.
Husticia a pidi extradicion, aunke no ta existi un tratado di extradicion entre e dos paisnan. E di dos sesion lo tuma luga di a20 di december y e caso mes lo bin dilanti dia 25 di maart 2020
