Un reglamento di transicion proponi pa gobierno y Refineria di Korsou (RdK) a wordo rechasa pa trahadonan di Isla.
E plan, anuncia conhuntamente pa prome minister Eugene Rhuggenaath y Director di RdK Marcelino Delannooy, tabata encera cu tur e trahadonan lo haya un contract di trabou na Curacao Refinery Utilities (CRU), cual lo provee un salario bou mesun condicionnan actual pa 6 luna te cu Klesch Group tuma over.
E plan aki, yama pa e prome minister como “Plan B”, a keda rechasa pa sindicatonan y nan miembronan. Nan kier un periodo di 12 luna, pasobra PDVSA mes tambe a pidi esaki. Banda di esaki e echo cu no lo duna trahadonan e siguridad di un bonusnan y placa pa vakantie tabata un ‘trigger’, segun lider di sindicato PWFC, Angelo Meyer a conta Antilliaans Dagblad.
Prome minister a bisa cu e no ta compronde e rabia: “E plan B aki ta bon y ta specialmente na beneficio di empleadonan y e economia local. Si interesnan di otro pais ta wordo sirbi, esaki mester wordo condena.”
