Actualmente Gary Klesch na Corsou. Un delegacion di dies persona a compania su persona pa asina realisa diferente trabou preparativo, incluyendo combersacionnan cu sindicatonan cu ta representando e trahadonan di refineria. Den un nota diferente, mester di bisa cu e lidernan sindical aki a Sali di e reunion cu un actitud miho den comparacion cu ora cu nan a anuncia e acuerdo di Klesch.
Un otro nota positivo cu a Sali di e reunion tambe ta cu e Klesch Group por tuma cargo di e operacionnan di e refineria na april na luga di juni/juli di e aña aki. Dimes esaki ta bon ricibi pa refineria di Corsou RdK, pa motibo cu RDK/CRU lo salba hopi salario.
Klesch a indica di ta cla pa cuminsa e refineria y actualmente e ta trahando mas lihe cu Corsou por posiblemente maneha. Corsou mester asegura cu nan ta cla na tempo. “ Klesch lo obtene petroleo crudo pa e refineria particularmente di Merca, pero tambe di otro parti mundo” un fuente cerca di e negociacionnan a bisa.
“ Depende di local tin mas necesidad den un periodo determina” e fuente a bisa,ken ta bisa cu Klesch lo traha di un manera completamente diferente cu e empresa PDVSA. E echo, ta produci prome y despues verifica si y cuanto tin mester.
“Kesch lo cambia y ahusta e produccion na e demanda di e mercado. Di e manera por obtene e mayor margen posibel den productonan refina”. Un otro punto importante cu a surgi den reunionnan ta cu Klesch mester na prome instante tur e empleadonan pa asina reinicia e refineria y opera esaki den manera optima.
“ Den un aña y mey of dos , lo tin mester di un revision importante cu ta genera hopi trabou. Esaki lo rekeri trabou adicional, presumibelmente incluso di exterior”, e fuente a bisa, cu tambe a firma cu Gary Kesch a indica durante e reunionnan cu e ta na Corsou pa keda y no manera e rapportnan a indica, a cambia un empresa cu ta den mal condicion y despues bende esaki pa un miho prijs.
E representantenan di Klesch cu ta ria e isla y lo keda riba e isla pa e temponan aki pa asina sigui nan trabounan preparativo.
