Mester tin un investigacion forensico independiente na Girobank, E compania si seguro Ennia y Banco Central di Curaçao and St. Maarten (CBCS). Prome Minister Eugene Rhuggenaath kier pa esaki tuma luga mas pronto posible.
E prome Minister kier un contesta di kende ta responsable y posiblemente culpable di e problemanan na e tres organisacionnan aki.
Prome Minister ta conta cu e apoyo di e conseho di Ministernan. E solicitud aki a ser realisa traves di un carta dirigi na e conseho di supervision di Banco Central cu un copia na e conseho di administracion EB. E gobierno di Sint Maarten tambe a ser informa desde cu Corsou y Sint Maarten ta forma un union monetario y ta comparti e Banco central.
Rhuggenaath ta splica cu “ e confiansa a ser kibra y esaki ta rekeri accion urgente cu mester ser duna na e problema grave aki.
E Prome Minister a indica cu e ta consciente y cu CBCS tin un posicion independiente dilanti e gobiernonan y cu por lo tanto e moderacion tabata apropia. Na mes momento Rhuggenaath a enfatisa cu e gabinete tambe tin su propio responsabilidad. Banco Central ta e entidad financiero mas halto di e pais y por lo tanto mester tin un reputacion solido, y esaki no ta e caso awo.
