Willemstad: Hues ta exigi rectificacion di Amigoe pa periodista Linkels

Hues a exigi rectificacion den un proximo edicion di Amigoe pa via di acusacionnan infunda den direccion di periodista Harald Linkels di Bonaire.nu y BES-reporter. Den un serie di articulonan e corant a tilda e periodista di ta cumpra pa Bestuurscollege di Boneiro pa skirbi storianan positivo.

E corant no por a entrega ningun prueba cu e periodista lo ta cumpra pa e BC. Hues a declara cu maske Amigoe ta liber pa skirbi tocante e fenomeno di cumpra periodistanan, e corant mester mantene su mes na e echonan.

E periodistanan cu recien a establece nan mes na Boneiro, Wim Romeijn y Robert Pastoor, ta haya un ‘tik op de vingers’ pa via di e articulonan cu nan a publica. Hefe di Redaccion tambe ta responsabel pa esaki den cierto sentido. Tanto e hefe como e dos periodistanan no tabata presente pa tratamento di e caso sumario.

Linkels ta maneha e oficina di conseho Linkels en Partners y e ta maneha Pensioenfonds Caribisch Nederland. Na banda di esaki e ta contribui na Bonaire.nu y Bes-reporter.com. Riba prome pagina di Amigoe di 16 di september a aparece un articulo despues cu Bestuurscollege di Boneiro a dicidi fin di augustus 2019 pa ‘huur in’ periodistanan Rene Zwart y Harald Linkels pa yuda mehora e maneho di comunicacion ora ta trata di gobernacion.

Hues a remarca cu den e articulonan ta duna un sentido cu ta situacionnan hopi urgente cu tin cu atende, ademas cu ta haci conclusionnan lihe cu lo por tin consecuencianan negativo pa e periodistanan. Corte a dicidi pa exigi cu Amigoe ta publica e siguiente texto den cualkier edicion dentro di un siman despues di veredicto:

De Amigoe heeft op 17, 18 en 19 september 2019 artikelen gepubliceerd waarin werd gesteld dat de heer Harald Linkels zich jarenlang heeft laten betalen door het Bestuurscollege van Bonaire om door het Bestuurscollege ingefluisterde artikelen te publiceren, onder meer op de website www.bonaire.nu. 

Ook heeft de Amigoe vermeld dat Linkels die beschuldiging heeft toegegeven.

Linkels heeft deze beweringen met klem ontkend.

Het Gerecht heeft bij vonnis in kort geding van 13 november 2019 geoordeeld dat een voldoende feitelijke basis voor deze beweringen ontbreekt. Amigoe is bij dat vonnis veroordeeld tot deze rectificatie.