Corsou lo cobra un tasa di 1.32 dollar cuminsando 1 januari 2020 pa asina optimiza e siguridad di frontera (border security) na e control di inmigracion. Esaki ta ser anuncia pa Minister di Husticia.
E tarifa lo wordo cobra pa e socionan di aeropuerto di Corsou CAP den nomber di gobierno y ta aplica pa tur pasahero cu ta sali y pasaheronan cu ta di transito. Esaki e funcionarionan di Ministerio di Husticia. “e tarifa di 1.32 dollar ya caba a ser anuncia na e aerolinea y nan lo ricibi mas informacion tecnico den e luna aki. E tarifa lo ser cobra como parti di e costonan di aeropuerto conoci como “cargo pa instalacion di pasahero” (passenger facility charge) (PFC).”
E legislacion di siguridad di frontera a ser introduci dia 1 di november ultimo y ta referi na costonan relaciona pa asina garantisa un miho nivel di medidanan di siguridad na aeropuerto, manera e introduccion di e sistema avansa di informacion di pasaheronan(APIS) y un tecnologia mas automatisa manera eGates y otro fuentenan di inmigracion.
Ta splica cu na 2015 e servicio di inmigracion na aeropuerto a cuminsa automatisa e proceso di vigilancia di frontera pa asina maximalisa e eficiencia y siguridad di frontera. E portanan electronico do control di frontera eGates a ser instala poco despues. E pasaheronan di 18 aña bay ariba cu paspoort Europeo, Canades of Mericano por uza e eGates desde e tempo ey.
E prome eGates tabata un regalo di aeropuerto di Corsou Holding (CAH) na e Ministerio di Husticia. Desde e tempo ey CAH ta trahando cu e Ministerio pa asina desaroya y optimalisa su uzo. Pa mehora ainda mas e siguridad di frontera, Corsou a cumpra APIS. APIS ta un data base electronico na cual e aerolinea ta hinca informacion di paspoort di pasaheronan pa organisacionnan hudicial prome cu e vuelo. Solamente socionan hudicial tin acceso na e data base y e informacion ta ser comparti di forma sigura pa motibonan di siguridad.
