Compania di seguro Ennia, cual desde mita di 2018 ta maneha pa Banco Central di Corsou y Sin tMaarten, a cuminsa un proceso di responsabilisacion contra e accionista Irani-Americano di 93 aña di edad, Hushang Ansary.

Aparentemente ta trata di un caso grandi, segun Antilliaans Dagblad, cual ta bin sin precedente. E bodemprocedure contra doño di Ennia, Parman Group, cual ta consisti di Ansary mes, su yiu Nina Ansary y ex dirigentenan di Ennia Abdallah Andraous, Ralph Palm y Gijsbert van Doorn. E entidadnan di Ennia kier nan placa bek. Ta trata aki di por lo menos 700 miyon florin. Anteriormente Ennia y Banco Central di Corsou y Sint Maarten a entama un procedura pa haya un suma di 500 miyon florin, cual tabata sinta na Merill Lynch na Merca, pa asina nan por controla e suma aki bek.

Den e procedura actual Ennia y Banco Central kier comproba cu como grupo, Parman Group a comete actonan inhusto y castigabel. E caso a mira un investigacion robusto, por medio di un team capabel. E dossier di loke a pasa e ultimo añanan a bira enorme. E verzoekschrift cu a entrega na corte diabierna ultimo ta consisti di mas cu 200 pagina, banda di mas o menos 100 bijlage. Kier men cu ta trata aki di varios caha di documento.

E asina yama transaccionnan di Steward & Stevenson, por medio di cual e interes di Ennia tabata bira cada biaha mas fini, unda Ansary ta acusa di conhuntamente cu colaboracion di e ex dirigentenan a laga Ennia core riesgo, ta forma un parti importante di e caso. Desde cuminsamento Ansary a nenga di coopera cu e investigacion. Sinembargo, manera Banco Central a indica den varios comunicado di prensa y conferencianan, nan ta opera den interes di e personanan cu un polisa cerca e compania di seguro. Esaki kiermen cu Ennia, cu apoyo di Banco Central, no lo stop te cu e suma cu a perde wordo recobra y e ganashinan perdi recompensa. Den e procedura andante probablemente lo sigui dagvaard mas persona. Abogadonan Ox & Wolf Legal Partners di Corsou ta procediendo den nomber di Ennia/CBCS, cu conseho adicional di bufetenan Hulandes y Mericano. E ultimo aki a entama e procedura na New York.