Curaçao Tourist Board (CTB) ta colaborando cu gobierno di Corsou y Aeropuerto Internacional di Corsou pa haci e transicion completo na un carchi di inmigracion online, den un esfuerso continuo pa simplifica biahe na Corsou.
For di ayera, ta rekeri pa yena e Digital Immigration Card. Pasaheronan bishitando e isla awo por subi online pa yena e Digital Immigration Card prome cu nan trip. Esaki ta contribui na un experiencia di biahe mas simpel, mientras ta promove un maneho ‘berde’ door di reduci uzo di papel.
Pa stimula un transicion exitoso, CTB ta den contacto cercano cu su partnernan local y internacional pa asisti den informa tur bishitante tocante e digitalisacion di e carchi.
Algun caracteristica di e Digital Inmigration Card:
-Cualkier persona biahando pa Corsou via aereo, kende no ta registra den registro civil di e pais, ta rekeri pa gobierno local pa yena e formulario aki prome cu pasa inmigracion den aeropuerto.
-Personanan naci na Corsou kende no ta registra den registro civil mester yena esaki.
-E carchi ta rekeri pa cada persona cada trip, sin importa edad.
-Ta rekeri pasaheronan pa yena e formulario online via nan celular of computer personal prome cu yega, asina nan tin tur detaye di e biahe.
-Unabes e pasahero a yena e carchi, nan por edit of update esaki si mester.
-E informacion riba e carchi lo ser procesa di acuerdo cu ley di Corsou (art. 25 di Ordenansa pa proteccion di data).
CTB ta informa cu e carchinan tradicional ainda ta disponibel na yegada y riba cierto aerolinea; sinembargo ta curasha tur biahero pa yena e Digital Immigration Card prome cu yega pa evita cualkier molester innecesario.
