E hospital nobo di Corsou ya no ta conecta cu e riool na Otrobanda. Como resultado e awa residual bay lama sin wordo trata.

No ta ilegal pa benta awa residual den lama. Corsou no tin e posibilidad di purifica esaki. E hospital nobo anteriormente por a deshaci di e awanan residual domestico den e riool publico. Aunke esaki mester a wordo investiga pa wak si esaki lo daña e planta di tratamento di awa di Klein Hofje.

Desde e tempo ey e departamento di obranan publico DOW a haci un test y posteriormente a desconecta e hospital nobo di e sistema di riool. E midimentonan a demostra cu e awa residual domestico ta contene demasiado concentracion halto di clorox y salo. Klein Hofje no por procesa e awa aki pa motibo di e proceso di purificacion cu mester wordo haci pa bacterianan y e bacterianan aki a muri debi na un concentracion demasiado halto di salo o productonan kimico.

Dito Garmers, director di propiedadnan na CMC a splica : “ Na e banda oost di e hospital e awa di residual ta ser transporta actualmente den trucknan”. Y e trucknan aki por lo tanto ta transporta e awa contamina na Shut, un luga cu gobierno a designa pa descarga e awanan residual na lama. E alocacion aki ta wordo encontra na parti noord cera di aeropuerto di Hato.

Garmers ta bisa cu ainda nan ta discutiendo cu DOW tocante e composicion di awanan residual domestico. ‘ Nos ta trahando hunto pa un solucion structural. Mientras cu nos no sa exactamente si nos ta permiti pa descarga den e sistema di riool publico, nos no por purifica e awanan residual”.

Actualmente no tin ningun otro substancia di desecho peligroso den e awa. “ Nos tin un polisa cu substancia di desecho peligroso ta ser elimina di un manera diferente, cu no ta termina den e sistema do riool publico. Por lo tanto e personanan no tin cu preocupa pa esaki por ehemplo cu e desechonan radioactivo ta den e awa”, Garmers a bisa. Pero kico mas ta den e awa ainda mester ser revela despues cu e resultadonan di e investigacion di DOW keda cla.

E hospital actualmente ta investigando pa haya plantanan di tratamento pa asina purifica nan propio awa residual, di tur manera cu nan por usa e sistema di riool publico.