Abogado Lizaima da Costa Gomez ta acusa e prizon di un “toko den toko” cual ta nifica realisando negoshinan ilegal den un negoshi legitimo. Segun e abogado e perpetradornan ta haya ganashi riba lomba di e prizoneronan.
E productonan cu e prizoneronan ta cumpra ta hopi mas caro cu den e tienda. E cuminda cu ta ser duna na e presonan tambe no ta saludabel y ta di mal calidad. E prizoneronan ta sinti cu nan ta hay’e e pio cu locual e supermercado ta suministra. Y e prizon ta hunga un rol dobel den esaki.
E abogado a manda un carta pa e prizon, pa Minister di Husticia, Minister di Asuntonan Economico y pa Inspeccion di Salud.
