Oficina di inmigracion a deporta 31 Venezolano sin documento di residencia durante oranan di anochi, riba un buelo charter cu a sali di aeropuerto di Hato.
E 20 homber, dies muhe y un mucha di seis aña a ser intercepta pa Warda Costa diahuebs anochi ultimo. Esaki a sosode den area di Fuik.
Segun e organisacion di derechonan humano Human Right Defense, e ta practicamente imposibel pa scucha asina hopi persona den tiki tempo y sospecho di desaloho colectivo, locual no ta permiti pa derecho internacional.
Amnistia ta pidi Corsou adheri na derechonan humano.
Amnistia Internacional ta pidi gobierno di Corsou pa respeta derechonan di e solicitantenan di asilo, refugiado y migrantenan.
E organisacion di derechonan humano a afirma esaki den un documento di posicion na bispo di un mesa rondo den Tweede Kamer di Parlamento Hulandes. Diaranson awo nan lo papia tocante e aplicacion di e ley di parti Caribense di Reino. Amnistia a publica un rapport aña pasa, pero ta wak masha poco mehoracion.
