(NLTimes)—Lider di partido PVV, Geert Wilders, lo retira tres legislacion controversial temporalmente. El a anuncia previamente cu e lo retira posicionnan controversial di su partido, cual, por ehempel, ta bay den conflicto cu e Constitucion. Den e manera aki, e kier kita un limitacion significante cu lo preveni otro partido di forma cune.
Un di e proposicionnan ta pa prohibi “cierto expresion Islamico.” Raad van State Hulandes a dicidi cu a legislacion lo “kita un derecho fundamental pa libertad di henter un grupo di poblacion.” Un otro legislacion ta e plan pa kita derecho di hende cu mutiple nacional pa vota y agrega den e constitucion cu “personanan cu multiple nacional no por ser apunta na un posicion,” manera minister, notario di rey y alcalde. Raad van State a bisa cu e legislacion aki ta viola e prohibicion di discriminacion y derechonan fundamental pa gruponan grandi di e poblacion, y como resultado di esaki, “e gruponan aki ta ser trata como ciudadanonan di segunda clase.”
E ultimo legislacion ta pa haci’e posibel pa pone hende cu a ser sospecha di actividadnan teroristico den prizon sin intervencion di hues. Segun Raad van State, e plan “ta bayendo den un caminda cu no ta aceptabel den un estado constitucional.”
PVV ta papiando cu VVD, NSC y BBB tocante un posibel formacion di gabinete. Ta conoci cu discusionnan lo enfoca inicialmente riba posibel desacuerdonan tocante e partidonan ta mira e regla di ley y e constitucion. Wilders semper a bisa cu e ta dispuesto pa bay asina leu pa acomoda e otro partidonan. Parti di esaki ta envolvi temporalmente “retira” plannan cu e PVV ta apoya pero cu ta viola derechonan fundamental.
