Ayera gobierno hunto cu Setar a lansa e proyecto unda ta trece wifi por nada den centro di Playa. Specificamente den Caya Betico Croes y Plaza Daniel Leo.
Na e ocasion aki tabata presente prome minister Mike Eman, minister di Asuntonan Economico Richard Arends, presidente di Oranjestad Business Improvement District (OBID) Stanley De Marchena y Ahmid Juddan di parti di Setar.
Prome minister a splica cu e acceso di wifi ta cuadra cu e plan completo pa digitalisa e tiendanan cu ofertanan online y via apps pa mas hende tin acceso directo pa haya e localidad y ofertanan cu tin den caya. Minister di Economia Arends a bisa cu wifi lo ta accesibel pa tanto local como turista por nada.
Di awor en adelante tur hende cu ta den areanan menciona, por tin acceso gratis na internet, asina Setar ta informa. Pa por haya esaki, e usuario ta scoge Setar Mainstreet, y automaticamente ta ricibi wifi.
