(AP) – E World Health ORganization a otorga un licensia di uso di emergencia riba diaranson na un vacuna di coronavirus cu a desaroya na India, ofreciendo mas siguransa pa un vacuna cu e pais su reguladornan a aproba hopi mas prome cu e testnan avansa i siguridad y eficacia a completa.
E agencia di Nacionnan Uni a bisa den un declaracion cu nan a aproba Covaxin, traha pa India su Bharat Biotech. E accion aki ta haci Covaxin e di 8 vacuna cu ta ricibi World Health Organization su luz berde.
“E uso di emergencia aki ta expande e disponibilidad di vacuna, e herment medico mas efectivo cu nos tin pa caba cu e pandemia aki,” Dr. Mariangela Simao, World Health Organization su assistent di director-general pa acceso na medicina a declara.
Covaxin a keda desaroya pa Bharat Biotech cu su partner e Indian Council of Medical Research, cual ta e gobierno su cuerpo apex di investigacion. E vacuna ta traha pa medio di usa un coronavirus morto pa crea un respuesta inmunologico pa combati esaki y ta duna den dos dosis.
World Health Organization a bisa cu e vacuna a keda haya di ta 78% efectivo den prevencion di malesa severo di COVID-19 y ta “extremadamente apropia” pa e paisnan di menos recurso pa motibo cu e ta hopi mas facil di warda.
Un grupo di experto di parti di World Health Organization a bisa cu no tabatin dato suficiente tocante e vacuna su siguridad y eficacia den muhenan na estado, investigacionnan ta den plan pa por trata e preguntanan aki.
