(AP) – E president di World Health Organization a bisa cu e agencia ta “hopi preocupa” tocante e reportahenan cu ta aumentando di malesa di coronavirus severo na China despues cu e pais a generalmente bandona nan politica “zero COVID”, advirtiendo cu nan averahe abao di vacunacion por resulta den un gran cantidad di persona vulnerabel birando infecta.
Na fin di un conferencia di prensa riba diaranson, director general di WHO Tedros Adhanom Ghebreyesus a bisa cu e agencia di U.N tin mester di mas informacion tocante con severo COVID-19 ta na China, particularmente pa cu e hospital y admision di unidad di cuido intensivo, “pa asina haci un reviso di e riesgonan tocante e situacion den e pais.”
“WHO ta hopi preocupa pa cu e situacion cu ta desaroyando na China cu e reportahenan aumentando di malesa severo,” Tedros a declara. El a agrega cu mientras mortonan di COVID a disminui cu mas di 90 porciento desde e nivel mas halto global, tabatin demasiado incertidumbre tocante e virus pa conclui cu e pandemia a caba.
Algun cientifico a adverti cu e brote sin reviso ni monitor di COVID-19 na China por causa variantenan nobo, cual por deshaci progreso global pa contene e pandemia.
