E organisacon mundial di Salud, WHO, a pone carni procesa riba e lista di productonan causando cancer. Siman pasa tabatin indicacion caba cu WHO ta considerando esaki despues hopi investigacion ta mustra un relacion. Pero awe e organisacion a anuncia esaki oficialmente.
Carni procesa ta por ehempel bacon, worst y ham. Si bo ta come 50 gram di carni procesa, cual ta menos cu 2 pida di bacon, ya bo tin 18% mas chens di haya cancer di colon.
WHO tambe tin un advertencia pa cu carni cora (bifstek etc.) Pero no tin suficiente prueba ainda pa determina si tin un relacion entre come carni cora y cancer.
Lesa mas den e relato di WHO.
