Plataforma popular di mensahe, WhatsApp, propiedad di Facebook, cu un base di usuario di mas di 2 biyon, den un movida sorpresa a actualisa su politica di privacidad. Usuarionan ta ricibiendo e noticia aki via un alerta pop-up den e app, reduciendo e set di politianan nobo cu ta vigente. Esaki a causa un debate enorme tocante e promesa di Facebook pa privacidad y pa tene cuenta cu interes di e usuarionan.

Pues awo hende mester sea biba cu e preocupacion pa privacidad den nan mente, of si nan no acepta, lo haya nan mes forsa pa cambia na otro servicio di mensahe permanentemente. Pa ta precies, ta sea haci loke Facebook kier of busca otro caminda.

Promesa inicial pa privacidad continuo

Na momento cu Facebook a adkiri WhatsApp pa $19 biyon, nan a priminti proteccion pa privacidad di usuario, y cu no lo haci ningun cambio na esaki. Sinembargo pa default tabata comparti data di e app di mensahe cu Facebook pa miho enfoke pa aviso – pero e usuarionan por a opt-out na cualkier momento sin ningun consecuencia. Awo, cos a bolter (pafo di Europa sikiera) ya cu lo elimina e opcion opt-out completamente pa dia 8 di februari. Si bo no bay di acuerdo cu e politica nobo, bo no lo por usa WhatsApp en absoluto.

E cambio for di e DNA di ‘respeta bo privacidad’ di e app cu encryption di tur banda den tur chat desde 2016 ta decepcionante. Obviamente, e app a cay den man robes, y awo Facebook ta haciendo tur den su poder pa explota data di usuario pa su propio motibonan di genera ganashi, cu tin raiz profundo den con e modelo di negoshi ta opera.

E politica di privacidad y terminonan di servicio a ser poni den 8mil palabra di lenguahe legal (manera tur otro politica den e planeta) cu den miho di e casonan no lo ta cla pa un usuario normal. Den resumen, awo e servicio lo comparti data cu e compania mama incluyendo data di ubicacion, nivel di bateria, number di IMEI, red mobil, y mas.

No solamente esaki, e app lo comparti informacion cu e compania mama Facebook tocante e gruponan den cual bo ta participa, status en bibo, potret di perfil, of e data di bo status online riba e app. Si esey no tabata suficiente, WhatsApp tin un seccion separa den e politica nobo yama ‘data di transaccion y pago’. Si bo a asumi caba, e ora ey laga nos bis’e djis pa ta cla – e informacion di bo pagonan haci via e app tambe lo ser warda. Facebook ta bisa cu lo usa esaki solamente pa proposito di analisis y ban spera cu e lo keda asina – den e pio di e casonan.

Mientras e usuario comun por pensa cu esey no tin repercusion, expertonan sa cu tin hopi pa perde a largo plaso mientras awo ta expone bo data personal na mas posibilidadnan di explotacion maske Facebook no lo kier esey inherentemente, pero den espacio online, cos no ta asina simpel.

Ki opcion tin?
 WhatsApp a pone data di usuario vulnerabel door di sirbi esaki na compania mama Facebook, y consecuentemente na appnan terceros. Pues ta un mobida inteligente pa move na un servicio mas sigur cu no lo pone bo privacidad na peliger.

Signal
 E app di mensahe a traves di varios plataforma desaroya pa Signal Foundation y Signal Messenger LLC ta similar na WhatsApp den varios forma. Por manda mensahenan priva of di grupo na amigo y famia – incluyendo e habilidad di manda documento, potret, audio y haci yamada di voz of video. Tambe ta inclui opcionnan di privacidad onscreen, hermentnan anti-vigilancia, y mensahenan cu ta desaparece, loke ta haci e servicio atractivo.

E app gratis open-source aki tin un politica di privacidad hopi cla, e mensahenan ta end-to-end encrypted – cualkier data di usuario no ta vincula na e identidad, y no ta warda e data den e servernan. Hasta e homber mas rico di mundo, Elon Musk, a urgi usuarionan pa usa Signal pa motibo di preocupacion pa data di usuario y privacidad pa cual a acusa Facebook hopi biaha. Esaki ya a resulta den cantidad di download pa e app.

Telegram
 Otro app gratis cu ta presenta su mes como un alternativa decente pa WhatsApp. Telegram tambe ta end-to-end encrypted y ta usa un protocol MTProto mas sigur pa seguridad di nivel halto. Telegram ta usa un infrastructura distribui particular den cual e yabinan di decryptopm relevante ta dividi den dos parti – y nan ‘nunca ta warda den e mesun luga cu e data cu nan ta protege’.

E app a keda tras di WhatsApp pa tempo largo caba, pero awo e fortuna ta destina pa cambia. E servicio ta bin cu e caracteristicanan usual di cualkier app di mensahe, y otronan tambe. Tin habilidad di crea super groups di hasta 100mil persona, comparti documentonan grandi di hasta 1.5GB, chatnan secreto end-to-end encrypted.

Bo por hasta hunga wega dentro di e app via e game bots, y tambe mester menciona e caracteristica di yamada di voz. Solamente e falta video yamada, pues si bo no mester esey, Telegram ta un opcion excelente.

Threema
 Si Signal of Telegram no ta na bo agrado, tin otro app pa explora. E app paga ta pa esnan cu no kier compromete nan data personal di ningun forma. E app open-source ta end-to-end encrypted y ta crea lo menos data posibel riba e servernan. Tur cos for di bo documentonan priva, yamada di voz y group chats, como ubicacion, ta 100 porciento sigur cu Threema.

E app ta usa un ID di 8 digito na luga di bo number di celular existente, di e forma aki ta agrega otro capa di proteccion na e pakete. Ademas, otro bentaha pa privacidad ta e non-login pa e IP adres of e metadata, eliminando asina cualkier chens di track usuarionan of crea un perfil di nan.