(AP) – Bo a yega di manda un mensahe incorecto y desea cu bo por a edita of cambia e mensahe? Of drecha algun type fout cu bo a haci?
Awo WhatsApp lo permiti usuarionan haci esaki pa te cu 15 minuut despues cu nan a mandau n mensahe. E aplicacion popular pa manda mensahe, haci yamadanan y hasta video yamada a anuncia dialuna den un publicacion. Cu e actualisacion aki, e usuarionan lo por drecha cualkier eror den e mensahe, agrega detaye of cambia completamente loke nan a skirbi den un mensahe manda na amistadnan, famia of coleganan.
E habilidad di edita un mensahe a cuminsa lansa pa tur hende mundialmente y dentro di e siguiente simannan lo ta disponibel pa tur usuario di e aplicacion, segun e compania ken su doño awo ta Meta.
Pa cambia of drecha un menashe, simplemente mester press riba e mensahe y primi “edit”. Despues cu e mensahe cambia, e lo informa cu e mensahe ta edita sinembargo e persona cu ricibi e mensahe no lo por mira e diferente cambionan ahci na e mensahe segun WhatsApp a splica.
Aña pasa Apple a revela e funcion di edita riba y retira mensahenan manda riba iMessage entre iPhonenan den un actualisacion di e sistema.
