Diamars atardi ta drenta un informe cu despues di un discusion na un cas na Papaya un hende lo a bira malo. Na yegada di ambulans nan ta topa cu full un otro situacion caminda cu un welo den su auto lo a bay reverse y ta sinti cu e lo a trapa algo cu e auto ora e baha e ta wak cu e lo a pasa riba su nieto di 2 aña.
Di biaha ambulans ta atende cu e mucha y ta transporte pa polis. E mucha a keda seriamente herida cu slanan na cara y tambe na su curpa. Polis a presenta despues y tambe polis di trafico.
Mirando cu e caso a bira dudoso door cu e prome informe ta cu hende a bira malo y despues a resulta cu ta auto a pasa riba un mucha a manda solicita demas autoridadnan.
Por a wak comisarionan di polis y tambe departamento forensico pa tuma evidencia. Na e sitio un otro ambulans a presenta pa controla e welo ya cu e ta sufri di curason y tawata sinti su mes malo.
