Fiscal di New York ta elogia condena di Harvey Weinsten manera un momento crucial cu por cambia e forma con e sistema legal ta ataca e tipo di caso di agresion sexual historico considera dificil di prueba.
Mayoria di hende muhe cu a testigua contra Weinstein ta mantene contacto cune y a tene relacion sexual consensual cune, despues di e atake. Ningun a informa e atacado di nan crimen. Tabatin tiki evidencia fisico pa reinforsa nan historia.
E hurado a condena e productor pa abuso sexual di un hende muhe na 2013 y agresion sexual di otro na 2016. “Esaki ta un dia nobo. Violacion ta violacion. Sea e sobreviviente a informa den un ora, of den un aña of kisas nunca. E ta un violacion a pesar di e dinamica complica di poder di consentimiento despues di asalto. E ta un violacion, inlcuyendo si no tin evidencia fisico.”, fiscal di Manhattan Cyrus Vance Jr a bisa.
Docena di hende muhe a bisa cu Weinsten a traves di industria di entretenimento a pone el a intimida, presiona of tabata exigi fabornan sexual. E encuentro sexual a tuma luga durante hopi decada, mey di proyeccion di pelicula na Los Angeles, festival di cine na Cannes y reunion di negoshi di New York of London.
Hurado finalmente a absolve Weinstein di dos cargo mas grave. E prome ta di violacion na prome grado y dos cargo pa ta depredador sexual, vincula na testimonio di actriz, Annabella Sciorra, kende a bisa cu Weinstein a drenta den su apartamento y abusa sexualmente di dje den decada di 1990.
Weinstein, di 67 aña, aun ta confronta 29 aña di prizon. Tambe mas cargo a sali di Los Angeles cu ta involucra otro dos victima di agresion sexual. Abogada Carrie Goldberg a representa acusadora di Weinstein, Lucia Evans, kende a denuncia contra Weinstein, pero su oficina finalmente a retira su acusacion di e caso.
“Ta spera cu fiscal, na henter e pais y na mundo, wak e caso aki y tene na cuenta cu por gana huicio pa violacion. Y cu esaki no ta solamente storia di cu un a bisa of otro a bisa. Pero ta crimen real cu mester wordo treci dilanti”, Goldberg a bisa.
