Directiva di Fundacion WeConnect a haci recientemente un bishita na Minister Plenipotenciario Guillfred Besaril. Tanja Fraai y Mike Ho Sam a duna un relato di nan bishita di trabao exitoso na Aruba, na comienso di e aña aki.
Durante di e bishita aki nan a reuni cu minister di Enseñansa y Deporte Endy Croes y a bishita Colegio Arubano San Nicolas. Centenares di scolnan secundario ta haya un tayer pa scogemento di estudio. Tur esaki ta keda ofreci gratis pa e fundacion WeConnect.
Minister Plenipotenciario Guillfred Besaril tabatin palabra di aprecio pa e actividadnan di WeConnect y a haci un sugerencia. “Lo ta bon pa intensiva nos cooperacion, por ehempel pa comparti e programa anual di WeConect cu e Minister Plenipotenciario di Curaçao y St. Maarten.” Tambe a papia riba e guia di studiantenan di Aruba cu ta yega Hulanda pa un estudio riba nivel di MBO.
WeConnect ta concentra riba “empowerment” y pa traha riba independencia di e studiante Caribense. Via di tayernan e studiante ta haya herment pa haya nan caminda den e sociedad Hulandes. Asinaki lo tin pronto en cooperacion cu Haagse Hogeschool un tayer riba e topico con pa bay om cu placa.
Na final di e bishita placentero WeConnect a haci entrega di nan relato anual na Minister Plenipotenciario Guillfred Besaril.
E potret ta cortesia di Arubahuis.
