Awe finalmente a bin un solucion despues cu e trahadonan di WEB a rechasa diahuebs atardi e pakete cu ta inclui entre otro un aumento di 195 florin mensual tanto na 2017 como na 2018. Tanto gerencia di WEB y dirigentenan di SIWA a reuni diahuebs te cu 10’or di anochi cerca mediador di Gobierno, unda a surgi un solucion pa e welga di casi tres dia cu a inclui un aumento di 10 florin pa 2017 y 5 florin pa 2018. Awe mainta e pakete aki a wordo someti na votacion cerca e trahadonan caminda un gran mayoria a vota na fabor.
Ya caba algun trahadonan cu a sostene e welga a cuminsa drenta den e planta pa regresa na nan trabao bek. Mientras cu awe tardi ta pendiente e firma di un protocol entre e partidonan envolvi na oficina di mediador di Gobierno.
