CEDE ARUBA a presenta un proyecto cu ta e WAW Mobiel, dedica specialmente pa muchanan y hobennan por haci movecion den nan bario.
Durante e prome 6 luna di aña WAW Mobiel, bou guia di instructornan di IBISA a entretene gran cantidad di muchanan den 5 diferente bario tur atardi den siman. Un total di aproximadamente 400 mucha durante e trayectoria a haci movecionnan gratuito den nan bario cu WAW mobiel.
CEDE ARUBA mirando e necesidad cu nos muchanan tin pa recrea a cuminsa cu un WAM Mobiel vakantie kamp pa e 3 ultimo simannan di vakantie, bou di guia di 297 Soccer Academy. A scoge 5 diferente localidad pa a organisa e kamp aki, riba dialuna di 9 am pa 11 am na Centro di Bario Santa Cruz, diamars di 3 p.m. pa 5 p.m. na Centro di Bario Playa Pabou, diaranson di 9 am pa 11am na Centro di Bario Noord, diahuebs di 9 am pa 11 am Joe Laveist Ballpark y tambe ultimo siman di 9 am pa 11 am riba diamars y diabierna na Centro di Bario Savaneta. E siman di 12 – 16 di Augustus ta e ultimo siman pa participa. Muchanan por participa tur dia na e kampnan.
Tur hoben cu a inscribi riba e link cu tin riba e Facebook page di CEDE ARUBA por a participa gratis y tambe ta ricibi fruta, juice y sandwich tur dia. P’esey ta pidi pa inscribi pa asina por sa cuanto cuminda mester pa cada dia. Muchanan entre edad di 6 pa 14 aña cu kier participa den e ultimo siman aki por inscribi ainda. Cupo ta limita.
