Segun un comunicado di wardacosta di Caribe, den oranan di atardi dia 31 di december ultimo, Centro Operacional Maritimo (MOC) a ricibi un notificacion di un turista hende muhe cu a bay snorkel for di oranan di mainta, y no a regresa.
Den cooperacion ku Cuerpo Policial (KPA) su helicopter y tambe e boto ‘Justice’ y e avion DASH di Wardacosta, a bay busca e persona den area di Commandeursbaai.
E helicopter di KPA a logra di identifica e persona den lama. Otro turistanan a asisti e persona pa e por a sali for di awa. Personal di ambulance a transporta e turista pa ricibi trato medico na hospital. E persona ta den bon condicion.
