Warda Costa ta topa cu resto di boto kima ta drif cerca di costa di Aruba

Diabierna mainta na momento cu Wardacosta ta patruya nan a mira resto di un boto ta drif parti zuid di costa di Aruba. Y a bay investiga esaki, segun informacion ricibi ta trata di un boto Venezolano cu lo mester a sali for di Corsou cu destino Venezuela y lo a pega candela riba lama entre Corsou y Venezuela y ta drif bin den direccion di Aruba. No ta conoci si otro boto por a piki e tripulantenan di e boto aki.

Na momento cu Wardacosta a topa cu e restonan di e boto no ta tin ningun miembro di tripulacion. Mester bisa cu ultimo temponan aki tin hopi incidente tumando luga riba lama caminda cu pa falta di siguridad botonan ta kibra y ta sink.

Ainda nos por corda e tragedia caminda a rescata algun persona riba lama cu tabata drif riba un frishider y tribon a ataca nan y un a fayece. A bira momento pa tin mas control riba e barco Venezolanonan aki cu ta sali tanto for di Aruba y Corsou cu demasiado carga y no ta wordo bon balansa cu consecuencia cu nan ta bolter den e lama bruto cu tin entre e islanan.