Warda Costa di Corsou hunto cu Citro a rescata miembronan di un boto cu tabata den problema den cercania di Klein Corsou

Ayera anochi alrededor di 7or a drenta un yamada di emergencia cerca Rescue & Coordination Center (RCC) di Wardakosta cu e boto Fenix lo tabata tin problema cu motor. E boto lo tabata den cercania di Klein Corsou.  Mesora RCC a saca e avion di Wardacosta pa bula bay na e sitio. A avisa Citro cu a sali mesora cu Braakman y Metal Shark tambe tabata na caminda.

Un rato despues e Dash a reporta cu e boto mester a yega na Costa di klein Corsou  y cu e tres tripulantenan lo a baha for di e boto. Na yegada di Braakman y Metal Shark a bin resulta cu un di e tripulantenan lo a kibra pia. Citro a duna prome asistencia y a transporta e victima pa Caracasbaai unda ambulans tabata wardado pa hib’e CMC pa trato medico. E otro dos tripulantenan a keda hiba cu Metal Shark Parera. Sin duda un accion di rescate exitoso di un combinacion di Wardacosta y Citro.